Kujtohen viktimat e aksidenteve rrugore, bllokohen tri rrugë në Prishtinë

Prishtinë | 23 Pri 2018 | 09:04 | Nga

Tri rrugët kryesore të Prishtinës sot do të jenë të mbyllura për dhjetë minuta, duke shënuar kështu ditën vendore të përkujtimit të viktimave në komunikacionin rrugor.

Aty do të realizohen tri performanca artistike dhe sensibilizuese, ku do të jenë të përfshirë edhe autoambulanca dhe Policia.

Sipas njoftimit, performancat do të nisin në ora 12:00 dhe do të zgjasin deri në orën 12:10, në rrugën ‘Garibaldi’, përbri Hotelit Grand, në vendkalim të këmbësorëve, rrugën ‘Agim Ramadani’, para Hotelit Sirius, në vendkalim të këmbësoreve dhe rrugën ‘Luan Haradinaj’ para New Born, në vendkalim të këmbësoreve. I gjithë aktiviteti zhvillohet nga Qendra për Zhvillim Multikulturor- Impact.

“Shënimi i kësaj dite ka për qellim, që nëpërmjet përkujtimi të viktimave në trafikun rrugor, të rrisim shkallën e ndërgjegjësimit qytetar rreth sigurisë në rrugë, në mënyrë që të kemi numër më të vogël aksidentesh , respektivisht numër më të vogël të vdekjeve në rrugë”, bëhet e ditur në njoftim.

Fjalë Kryesore:

Të ngjashme