Kurti: Nuk ka as një aktor tjetër, që ka qenë pranë dhe me popullin sikurse Adem Mikullovci

Prishtinë | 15 Sht 2020 | 12:41 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryetari i Vetëvendosjes, Albin Kurti së bashku me bashkëpunëtorë kanë bërë homazhe para Teatrit Kombëtar, me rastin e vdekjes së aktorit Adem Mikullovci, raporton Ekonomia Online.

Kurti ka thënë se mbrëmë morën lajmin e trishtuar për vdekjen e Mikullovcit.

Ai ka thënë se me veprimtarinë e tij artistike, Adem Mikullovci me të drejtë mund të quhet Charlie Chaplini i ynë.

“Mbrëmë vonë pas mesnate e morëm lajmin e trishtuar që baca Adem, veprimtari e politikani deputeti i të dy republikave u nda fizikisht nga jeta. Ai shumë ka kontribuar për artin dhe vendin tonë saqë puna e tij ngelet me neve për neve dhe brezat që do të vijnë. Filmat dramat komeditë e tij,e bëjnë bacin të denjë për ta quajtur Chaplini ynë. Sot këtu ne bëmë nderime për jetën dhe veprën e tij. Nuk ka  as një aktor tjetër që ka qenë pranë dhe me popullin sikurse Adem Mikullovci. Ai e ka njohur mirë atë që ka bërë artin. Andaj ky artist dhe politikan do të na mungojë shumë gjatë”, ka thënë Kurti.

Lexo më shumë:

Të ngjashme