Kurti priti në takim Bordin e përkohshëm të drejtorëve të Ndërmarrjes Publike “Ibër-Lepenc”

Prishtinë | 29 Qer 2021 | 22:00 | Nga Ekonomia Online

Kryeministri i Republikës së Kosovës, Albin Kurti, bashkë me ministren e Ekonomisë, Artane Rizvanolli, zëvendësministrin e Ekonomisë, Mentor Arifaj dhe udhëheqësin e Njësisë për monitorimin e ndërmarrjeve publike, Besim Imeri, pritën sot në takim Bordin e përkohshëm të drejtorëve të Ndërmarrjes Publike Hidroekonomike “Ibër-Lepenc”, të kryesuar nga znj. Hajrije Morina, dhe anëtarët e tjerë, të votuar në mbledhjen e 17-të të Qeverisë së Republikës së Kosovës, mbajtur më 25 qershor 2021.

Kryeministri Kurti theksoi rolin e rëndësishëm që ka bordi, si mekanizëm përmes së cilit Qeveria si aksionare sigurohet për mbarëvajtjen dhe zhvillimin e ndërmarrjeve, të cilat në kushte normale do të duhej të siguronin dividentë për buxhetin e shtetit, por në fakt shpesh janë të varura nga subvencionet e janë barrë e taksapaguesve.

U bisedua për sfidat me të cilat përballet ndërmarrja hidroekonomike, si rezultat i keqmenaxhimit dhe kontratave të dëmshme, trashëguar nga bordet e kaluara, si dhe rëndësinë e bashkëpunimit të ngushtë me Njësinë për monitorimin e ndërmarrjeve publike.

Të ngjashme