Komisionari i Bashkimit Evropian për Fqinjësi dhe Zgjerim, Oliver Varhelyi është takuar sot me kryeministrin e Kosovës, Albin Kurti në Bruksel.

Varhelyi tha se me Kurtin diskutuan rëndësinë e zbatimit të shpejtë të planit ekonomik dhe investimeve për Ballkanin Perëndimor, luftën kundër krimit të organizuar e shumë tema tjera.

“Me kryeministrin Albin Kurti përpara takimit të sotëm të Këshillit të Stabilizim-Asociimit të BE-së për Kosovën. Diskutuam rëndësinë e zbatimit të shpejtë të Planit Ekonomik dhe Investimeve për Ballkanin Perëndimor, punën e vazhdueshme për reformat, përfshirë reformën në drejtësi, luftën kundër krimit të organizuar”, ka shkruar Varhelyi.

With PM @albinkurti ahead of today’s EU Kosovo Stabilisation&Association Council. Discussed importance of swift implementation of Economic&Investment Plan for #WesternBalkans + ongoing work on reforms, incl justice reform, fighting organised crime. pic.twitter.com/V5NDkmHDaV

— Oliver Varhelyi (@OliverVarhelyi) December 7, 2021

Kryeministri Kurti në kryeqytetin evropian po shoqërohet nga zëvendësi i tij Besnik Bislimi, ministrja e Punëve të Jashtme, Donika Gërvalla, ministri i Financave, Hekuran Murati, ministri i Brendshëm, Xhelal Sveçla, Ministri i Mjedisit dhe Infrastrukturës, Liburn Aliu dhe zëvendësministrja e Drejtësisë, Nita Shala.

Këshilli i Stabilizim Asociimit është formuar në bazë të Marrëveshjes së Stabilizim Asociimit (MSA) mes Kosovës dhe Bashkimit Evropian dhe në të analizohet zbatimi i kësaj marrëveshjeje nga të dy palët.