Flutura Kusari, juriste e së drejtës së medias ka reaguar pas veprimit të deputetit të Lëvizjes Vetëvendosje, Hekuran Murati, ndaj një gazetareje të një medie lokale në Kosovë, shkruan Gazeta Express.

Kusari tha se deputeti ia shtyu me forcë gazetares mikrofonin vetëm pse është grua.

“Hekuran Murati ka guxu me ia shty me forcë mikrofonin gazetares, se ka qëllu gazetare grua. Me pas qëllu gazetar burrë, ish ndalë, e kish përshëndetë, iu kish përgjigjë pyetjes me respekt dhe pastaj e kish vazhdu rrugën për në Kuvend”, ka shkruar ajo në një postim në “Facebook”.

Ndaj këtij veprimi të Muratit ka reaguar edhe Asociacioni i Gazetarëve të Kosovës. AGK-ja e ka dënuar këtë veprim të Muratit karshi gazetares.