Ligji i plotësuar për Ndërmjetësim do të zvogëlojë lëndët në gjykata

Prishtinë | 21 Sht 2016 | 15:24 | Nga

Ministria e Drejtësisë, përkatësisht Departamenti Ligjor, sot ka filluar me punëtorinë lidhur me hartimin e Projektligjit për plotësimin dhe ndryshimin e Ligjit për Ndërmjetësim. Punëtoria kryesohet nga Mentor Borovci dhe do të zgjasë dy ditë. Kjo punëtori është e përkrahur nga Zyra e UNDP-së në Kosovë.

Me këtë plotësim ndryshim do të ketë një ri-organizim të sistemit të Ndërmjetësimit në Kosovë, i cili do të jetë i organizuar në bashkëpunim me sistemin gjyqësor dhe atë prokurorial.

Gjatë kësaj punëtorie do të diskutohet rreth rëndësisë së plotësim-ndryshimit të këtij ligji. Sipas nj% komunikate të Ministrisë së Drejtësisë, me këtë plotësim ndryshim synohet që të ngritet ndërmjetësimi në nivel të lartë, përmes të cilit do t’u mundësohet qytetarëve të kenë qasje në drejtësi në afat kohorë më të shkurt, me shpenzime më të ulëta.

Ligji i ri pritet të ndikojë direkt në zvogëlimin e lëndëve në gjykata dhe prokurori.

Me këtë plotësim ndryshim të Ligjit sistemi i ndërmjetësimit do të pësoj një reformim si në aspektin organizativ po ashtu edhe në atë të lehtësimit të qasjes në drejtësi. Ky plotësim ndryshim ik këtij Ligji do të reflektojë direkt në sistemin e drejtësisë dhe zvogëlimin e lëndëve në sistemin gjyqësorë dhe atë Prokurorial.

Plotësim ndryshimi i Ligjit të Ndërmjetësimit, reflektim direkt në zvogëlimin e lëndëve në gjykata dhe prokurori

Të ngjashme