Pas 14 ditësh qëndrimi në  karantinë në Qendrën Studentore në Prishtinë kanë filluar të dalin disa nga  personat të cilët kishin ardhur në Kosovë pas 3 muaj qëndrimi në Gjermani, të cilët pas testimit kanë dalë negativ, raporton Ekonomia Online.

Ky grup i personave do të  vazhdojnë vetëizolimin në shtëpitë e tyre.

Njëri prej personave i cili qëndroi në QS, Fatmir Sallaj tha se do ta vazhdojnë vetizolimi edhe në shtëpi.

“Trajtimi ka shkuar mirë, pas testimit të gjithë kemi dalë negativ dhe duhet të vazhdojmë edhe më tutje izolimin në shtëpi, tashmë jemi duke i pritur me dalë”, tha ai.

Kurse prindërit e tij, thanë se janë ndarë të kënaqur me kushtet që u janë ofruar në QS.

Shyhrete Morina nga Suharekë e cila ka qëndruar 14 ditë në izolim në Qendrën Studentore thotë se kushtet nuk kanë qenë të mira.

“Kam ardhur nga gjermania mirëpo nuk jam ndarë e kënaqur me kushtet në Qendrën Studentore, nëse nuk kujdesesh vet askush nuk kujdeset për ty”, u shpreh ajo.

Zarife Mehmeti nga Matiqani tha se është ndarë e kënaqur me kushtet brenda Qendrës Studentore

Ajo tregoi se ka mbushur formularë mirëpo nuk i ishte në dijeni nëse do të vazhdoj të qëndroi në vetizolim në shtëpi.

Në karantinën e Qendrës së Studentëve janë mbi 500 persona të karantinuar, ku sot pritet të lirohen 95 persona si dhe ditëve në vijim edhe të tjerë, pasi IKSHPK të ketë bërë testimin e tyre sipas radhës.

Kujtojmë se dje nga 36 testime, 35 persona kanë dalë negativ, ndërsa një person tjetër ka dalë pozitiv.

Personi që ka dalë pozitiv është dërguar në Klinikën Infektive bashkë më personin tjetër që ka qëndruar në dhomë gjatë kohës së karantinimit.