Lirohet njëri nga dy kosovarët e arrestuar nga Policia e Serbisë

Prishtinë | 15 Dhj 2020 | 08:26 | Nga Ekonomia Online

Klan Kosova ka raportuar të dielën për arrestimin e dy qytetarëve nga Podujeva.

Dyshohet se ata mund të kenë dalë në territorin e Serbisë për shkak të mjegullës së dendur.

Asambleisti i komunës së Podujevës Blerim Maqastena dhe Berat Mexhuani, janë arrestuar të shtunën në afërsi të fshatit Mirovc – Merdare.

Por, njëri nga ta është liruar.

Bëhet fjalë Berat Mexhuanin, i cili është liruar nga policia serbe.

Këtë për Klan Kosovën e ka konfirmuar komandanti i Stacionit të Policisë në Podujevë Isak Ejupi.

“Po, Berat Mexhuani është liruar, kurse Blerim Maqastena ka mbetur në paraburgim prej 30 ditësh”.

Klan Kosova mëson se arsyeja e arrestimit është se Blerim Maqastenës, i është gjetur një armë zjarri me leje të Kosovës.

Të ngjashme