Listat e veteranëve të hetohen pa kërcënime dhe ndërhyrje politike, thotë Delawie

Prishtinë | 28 Gus 2018 | 19:38 | Nga

Ambasadori amerikan në Kosovë, Greg Delawie po kërkon që hetimet për listat e veteranëve të bëhen pa kërcënime, frikë dhe ndërhyrje të politikës.

Delawie thotë se me rastin e veteranëve duhet të shihet çfarë sistemi të drejtësisë ka Kosova.

“Po vëzhgoj me kujdes hetimet për korrupsionin në dhënien e përfitimeve për veteranët. Çështja duhet të trajtohet pa kërcënime, frikësim dhe ndërhyrje politike. Qytetarët e sidomos veteranët duhet të shohin se sistemi do të vendos me drejtësi”, ka shkruar ambasadori amerikan në Tëitter.

Ndryshe ish-prokurori Elez Blakaj që po hetonte këtë rast, është larguar për në Amerikë. Në aktakuzën e tij ai kishte vërtetuar se mbi 19 mijë veteranë janë mashtrues.

Ata i kushtojnë buxhetit të Kosovës mbi 3 milionë euro në muaj, e mbi 36 milionë në vit.

Për këtë çështje Blakaj ka publikuar kohë më parë një letër ku akuzonte Kryeprokurorin Lumezi për presion dhe kërcënime.

Pikërisht për shkarkimin e Lumezit nesër në Prishtinë do të ketë përsëri protestë.

Fjalë Kryesore:

Të ngjashme