“Lufta kundër pastrimit të parave: Ku qëndron Kosova?”

Prishtinë | 12 Dhj 2019 | 02:09 | Nga Ekonomia Online

Grupi për Studime Juridike dhe Politike (GLPS) ju organizon konferencën për media që me temë “Lufta kundër pastrimit të parave dhe konfiskimit të aseteve të fituara në mënyrë të kundërligjshme: Ku qëndron Kosova?”.

“Lufta kundër pastrimit të parave dhe konfiskimit të aseteve të fituara në mënyrë të kundërligjshme janë elemente kryesore në luftimin e korrupsionit dhe krimit të organizuar. Prandaj, përkushtimi dhe fokusi i institucioneve të sistemit të drejtësisë në Kosovë duhet të jetë në trajtimin sa më efikas të kësaj dukurie. Mungesa e konfiskimit të aseteve të fituara në mënyrë të kundërligjshme, kryesisht përmes pastrimit të parave tregon mungesën e profesionalizmit gjatë trajtimit të këtyre rasteve nga ana e Prokurorisë Speciale të Republikës së Kosovës (PRSK) dhe gjykatave në Kosovë”, thuhet në njoftimin e GLPS-së.

Në këtë konferencë, GLPS do shpalos të gjeturat e analizës të titulluar “Lufta kundër pastrimit të parave dhe konfiskimit të aseteve të fituara në mënyrë të kundërlgjshme: Një relfektim i gjendjes aktuale“. Të gjeturat e analizës do të fokusohen në disa nga mangësitë e PRSK-së dhe gjykatave në trajtimin e rasteve të pastrimit të parasë në Kosovë. Për më tepër, kjo analizë trajton edhe praktikat e ndjekura deri më tash nga këto dy institucione dhe trajton mundësinë e ndryshimit të legjislacionit lidhur me kompetencën e hetimit të këtyre rasteve. Poashtu, GLPS do të ofrojë një sërë rekomandimesh lidhur me përmirësimin e situatës aktuale të ndjekjes dhe gjykimit të veprës penale të pastrimit të parave.

Konferenca mbahet nga ora 14:00 në Qendrën e Konferencave “Orion” në Prishtinë dhe do të mbulohet me kamerë nga Ekonomia Online.

Fjalë Kryesore:

Të ngjashme