Punëtorët e Pallatit të Rinisë kanë marrë pagat mujore pas disa muajve.
Kjo gjë është bërë e ditur nga kryetari i komunës së Prishtinës, Shpend Ahmeti.
Ahmeti ka thënë se ka filluar stabilizimi i Pallatit të Rinisë dhe se pas përfundimit të procedurave administrative tashmë ky pallat është në menaxhim të komunës dhe se me këtë nis edhe stabilizimi i Ndërmarrjes, e cila ka mbi 3 milionë euro borxhe.
Tutje Ahmeti ka shtuar se punëtorëve iu janë dhënë pagat për dy muaj. Duhet përkujtuar se punëtorët kishin disa muaj pa paga, gjë që i bëri ata të protestojnë disa herë duke kërkuar pagat.
Postimi i plotë:
Fillon stabilizimi i Pallatit të Rinisë – paguhen pagat e punëtorëve
Pas përfundimit të procedurave administrative tashmë Pallati i Rinisë është në menaxhim të Komunës.
Me këtë fillojmë edhe stabilizimin e Ndërmarrjes e e cila i ka mbi 3 milion euro borxhe.
Të premten kemi kaluar krizën e parë të pagave pas marrëveshjes me përmbaruesit që bllokojnë llogaritë. Janë pagur paga për dy muaj dhe vazhdojmë me hapat e tjerë.