Në Ditën Ndërkombëtare për të drejtat e punëtoreve dhe punëtorëve, Rrjeti i Grave të Kosovës (RrGK) dhe një numër i organizatave kanë marshuar kundër diskriminimit që u bëhen grave në vendin e punës, raporton Ekonomia Online.
Kërkesat e protestuesve kishin të bënin për mundësi të barabarta punësimi me pagë që na mundëson jetë me dinjitet; sigurim shëndetësor; siguri në punë dhe punë pa diskriminim për të gjitha/ë pa dallim etnie, moshe, arsimimi, orientimi seksual, identiteti gjinor dhe aftësie.
Protesta ka nisur nga Sheshi “Zahir Pajaziti” duke vazhduar kah Ministria e Punës, Policia, rruga e Kinemasë “ABC”, BSPK-ja, Inspektorati i punës, prapa Teatrit, Qeveria duke vazhduar nëpër sheshet e kryeqytetit.
Për 1 Maj kanë protestuat edhe Bashkimi i Sindikatave të Pavarura të Kosovës (BSPK), raporton EO.
Ata kanë kërkuar për Marrëveshjen Kolektive, për rritje të pagës minimale, për skema pensionale si dhe për sigurime shëndetësore, raporton Ekonomia Online.