Njësitet policore në kuadër të Drejtorisë Rajonale Mitrovicë-Jug, gjatë ditës së sotme kanë vijuar me zbatimin e masave kundër COVID-19.

Zëdhënësi i policisë rajonale për Mitrovicën e Jugut Avni Zahiti ka konfirmuar për Telegrafin se sot në intervalin kohor 07:00–19:00, policia ka shqiptuar 93 gjoba.

“Njësitet policore në kuadër të Drejtoriisë Rajonale Mitrovicë-Jug, gjatë ditës së sotme kanë vijuar me zbatimin e masave kundër -Covid 19. Sot në intervalin kohor 07:00–19:00, policia ka shqiptuar 93 gjoba. Të gjitha këto në përputhje me vendimet e institucioneve shtetërore për parandalim të përhapjes së pandemisë”, është shprehur ai.

Ndryshe, gjatë 24 orëve të fundit, në nivel vendi janë konfirmuar 329 raste pozitive, pesë vdekje dhe 55 të shëruar. Rastet pozitive janë nga komuna Prishtinë 149, Pejë 20, Drenas 19, Podujevë 17, Gjakovë 16, Lipjan 16, Mitrovicë 15 raste.