Mbi 17 mijë persona morën vaksinën anti-Covid në 24 orët e fundit

Prishtinë | 21 Sht 2021 | 16:02 | Nga Ekonomia Online

Ministria e Shëndetësisë(MSH), sipas të dhënave nga Instituti Kombëtar i Shëndetësisë Publike të Kosovës, ka njoftuar se në 24 orët e fundit janë dhënë 17 mijë e 643 doza të vaksinës kundër COVID-19.

“Prej fillimit të vaksinimit në të gjitha qytetet e Kosovës janë dhënë 1.193.786 doza të vaksinës. Deri më sot 453.760 qytetarë janë vaksinuar me dozën e dytë”, ka njoftuar MSH.

Në 24 orët e fundit, në Kosovë janë konfirmuar 173 raste të reja me COVID-19 nga 5 mijë e 95 testime të kryera. Kurse betejën me virusin e kanë humbur 7 qytetarë.

Të ngjashme