“Mentoring Walk Kosova” organizoi aktivitetin me moton “Fuqizimi i Gruas Ndërmarrëse”.
Me këtë rast u organizua ecje përgjatë sheshit “Nëna Terezë”. Shumë gra u mblodhën te sheshi “Zahir Pajaziti” në Prishtinë dhe pastaj vazhduan me ecje deri te hoteli “Swiss Diamond”, raporton Ekonomia Online.
Pjesë e ecjes ishte edhe ish-presidentja e Republikës së Kosovës, Atifete Jahjaga.
“The Global Mentoring Walk” është një organizatë ndërkombëtare e cila i fton gratë ndërmarrëse të vendeve të ndryshme të organizojnë ecje me gratë e komunitetit të tyre. Gjatë ecjes, ato diskutojnë për sfidat dhe sukseset e tyre profesionale për krijimin e një marëdhënieje mentorimi.
Ecja e organizuar nga “The Global Mentoring Walk” mbahet në të njëjtën ditë në vende të ndryshme të botës.
“The Global Mentoring Walk” është një mundësi për ta theksuar rëndësinë e udhëheqjes nga gratë dhe për ta përshpejtuar ndikimin e grave ndërmarrëse përmes mentorimit.