Në ceremoninë përkujtimore të 19-vjetorit të masakrës së Lubizhdës së Hasit, Ministri i Kulturës, Rinisë dhe Sportit, Kujtim Gashi, premton ndërtimin e Kullës së Qëndresës si shenjë kujtese për sakrificën e hasjanëve për liri dhe pavarësi.

Ja postimi i tij i plotë në Facebook:

Në ceremoninë përkujtimore të 19 vjetorit të masakrës së Lubizhdës së Hasit.

Lubizhda e Hasit i dha katërmbëdhjetë Dëshmorë dhe dyzet Martirë gjatë luftës së fundit të Ushtrisë Çlirimtare të Kosovës.

Para qindra qytetarëve pjesëmarrës në këtë ceremoni u zotova se Ministria e Kulturës, do të financojë ndërtimin e Kullës së Qëndresës si shenjë kujtese për sakrificën e hasjanëve për liri dhe pavarësi.