Mot më i ftohtë, me vranësira dhe shi

Prishtinë | 25 Qer 2018 | 08:17 | Nga

Temperaturat e ajrit do të vazhdojnë të pësojnë rënie të ndjeshme nën vlera mesatare. Minimalet do të luhaten nga 9C deri në 13C, e maksimalet nga 17C deri në 23C.

Derisa në Evropën perëndimore fusha të presionit të lartë dhe masa më të ngrohta të ajrit do të sjellin mot më stabil dhe të ngrohtë, mbi rajonin tonë masat e ftohta ajrore që depërtuan nga veriu i kontinentit dhe fusha të presionit të ulët do të kushtëzojnë mot më të ftohtë, me vranësira dhe kohë pas kohe me reshje shiu.

25.06 – Mot kryesisht me vranësira. Gjatë mbrëmjes dhe natën kohë pas kohe priten reshje të dobëta shiu.

26.06-27.06 – Mot më i ftohtë, kryesisht i vranët, e kohë pas kohe me reshje shiu.

28.06-29.06 – Mot kryesisht me vranësira, kohë pas kohe me shi. Pasdite reshjet mund të shoqërohen edhe me bubullimë.

Sipas Prishtina Weather, do të fryjë erë mesatare dhe mesatarisht e fuqishme nga verilindja 3-13m/s. Shtypja atmosferike, gradualisht do të zbres nën vlera normale.

Fjalë Kryesore:

Të ngjashme