Moti në Kosovë

Prishtinë | 17 Shk 2020 | 08:23 | Nga Ekonomia Online

Fushat me presion të lartë atmosferik që kanë përfshirë rajonin dalëngadalë po dobësohen.

Kështu që për dallim nga ditët e para të javës, të cilat paraqiten me mot stabil dhe të ngrohtë, nga dita e enjte në Kosovë priten kushte tjera meteorologjike.

Kjo sepse në fushat barike pritet të ketë rënie dhe kushte për formim të vranësirave të dendura të cilat do të shoqërohen me reshje shiu dhe bore, ndërsa në viset kodrinore-malore parashihet të ketë vetëm reshje bore.

Reshjet do të ndikojnë në rënien e përkohshme të temperaturave në të dy vlerat ekstreme.

Dita e hënë dhe e martë, paraqiten si ditë më të nxehta të javës, derisa dita e enjte do të regjistrojë temperaturat më të ulëta të javës.

Temperaturat minimale parashihen të lëvizin ndërmjet 2 deri -2 gradë celsius, ndërsa maksimalet e ditës parashihen të lëvizin ndërmjet 5-14 gradë celsius.

Do të fryjë erë nga drejtimi i jugperëndimit dhe verilindjes me shpejtësi deri 12m/s.

Të ngjashme