Instituti Hidrometeorologjik i Kosovës bën të ditur se gjatë dy ditëve në vendin tonë do të ketë reshje shi dhe në vendet malore edhe reshje bore.

IHK njofton se në orët e pasdites pritet të ketë zhvillim vranësirash, të cilat gjatë natës do të shoqërohen me reshje shiu dhe bore.

“Pasdite pritet të ketë zhvillim vranësirash, të cilat gjatë natës do të shoqërohen me reshje shiu dhe bore. Reshje bore pritet vetëm në viset kodrinore-malore, ndërsa në viset e ulëta borë me shi”, thuhet në njoftim.

Temperaturat të enjten do të shënojnë rënie kryesisht ato maksimalet, ndërsa minimalet priten të vazhdojnë me vlera të ngjashme. Temperaturat minimale do të lëvizin nga 0-3 gradë Celsius, ndërsa maksimalet e ditës parashihen të lëvizin ndërmjet 4-15 gradë Celsius.

Kjo rënie e theksuar e temperaturave pritet të ndodh vetëm ditën e enjte.

Do të fryjë erë nga jugperëndimi dhe veriperëndimi mesatare deri e fortë, kryesisht në veri të Dukagjinit ndërsa pjesët tjera të vendit do të fryjë erë me shpejtësi deri 12m/s”.