Moti sot me vranësira, shi dhe shkarkime rrufesh

Prishtinë | 25 Sht 2020 | 08:09 | Nga Ekonomia Online

Instituti Hidrometeorologjik i Kosovës bën të ditur se situatë afërsisht e ngjashme meteorologjike paraqitet edhe gjatë këtyre dy ditëve të parashikimit.

IHK njofton se të premten në fushat termike nuk parashihet ndryshim, por që një sistem i vranësirave të dendura parashihet të krijohet gjatë pjesës së dytë të ditës dhe si rezultat i këtij procesi fizik, pritet të ketë reshje shiu të përcjella me shkarkime rrufesh.

Reshjet më intensive parashihen në perëndim dhe veriperëndim të vendit, kurse pjesët tjera do të kenë më pak reshje, sidomos jugu dhe juglindja e vendit, ku mund të ketë vetëm riga të izoluara shiu, derisa një pjesë e madhe e këtij territori nuk do të kenë fare reshje.

Temperaturat minimale do të lëvizin ndërmjet 12-14 gradë Celsius, ndërsa maksimalet e ditës parashihen të lëvizin ndërmjet 20-26 gradë Celsius.

Do të fryjë erë nga drejtimi i juglindjes me shpejtësi 1-7 m/s në rrafshin e Kosovës, kurse në pjesën e rrafshit të Dukagjinit, shpejtësia e erës do të arrijë deri 14 m/s.

Fjalë Kryesore:

Të ngjashme