Mustafa ngushëllon familjen Pepaj

Prishtinë | 24 Jan 2019 | 11:43 | Nga Ekonomia Online

Me rastin e vdekjes së veprimtarit të devotshëm, Abaz Pepaj nga Komuna e Deçanit, Kryetari i LDK-së Isa Mustafa i ka shprehur ngushëllime Familjes Pepaj për humbjen e anëtarit të familjes së tyre dhe gjithë veprimtarëve dhe miqve të LDK-së.

E nderuara Familje Pepaj,

Me dhimbje e mora lajmin për vdekjen e veprimtarit të devotshëm të çështjes kombëtare dhe LDK-së, Abaz Pepajt.

Abaz Pepaj ishte anëtar i kryesisë së degës të LDK-së në Deçan, asambleist në Kuvendin Komunal në Deçan, luftëtar i UÇK-së dhe një mik i pashoq.

Ai, poashtu para luftës së fundit në Kosovë, ishte humanitar në Shoqatën Nënë Tereza dhe dha kontribut të jashtëzakonshëm në jetën politike në Kosovë.

Si kryetar i nëndegës në fshatin Kodrali, mobilizoi struktura të LDK-së në degën e Deçanit dhe si asambleist i Komunës dha kontribut për shumë çështje të Komunës.

Degës së LDK-së në Deçan dhe gjithë qytetarëve të Deçanit u shprehi ngushëllimet më të sinqerta për humbjen e familjarit, mikut dhe bashkëpunëtorit të tyre.

Fjalë Kryesore:

Të ngjashme