Mustafa për arrestimet në ministri: Institucionet ta zbardhin rastin, s’i iki përgjegjësisë

Prishtinë | 24 Shk 2021 | 15:47 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Ministri në detyrë i Bujqësisë, Besian Mustafa, aksionin e sotëm  të Policisë së Kosovës, ku janë arrestuar disa zyrtarë të kësaj ministrie, ka thënë se duhet ta shohim si ditë të mirë, ku qartësohen  gjërat dhe drejtësia kryen punën e saj, raporton Ekonomia Online.

Ai në një konferencë për medie ka thënë se është zotuar që do të ketë zero tolerancë ndaj keqpërdoruesve dhe se ka bashkëpunuar me organet e drejtësisë.

Mustafa u ka bërë thirre organeve që këtë çështje ta qojnë deri në fund.

“Jam përkushtuar që në bashkëpunim të plotë me organet e drejtësisë për çfarëdo keqpërdormi në Ministrinë e Bujqësisë. Jemi zotuar të mbajë zero tolerancë ndaj rasteve të korrupsionit”.

“Ftojë organet që këtë çështje ta qojnë deri në fund. Aksionet si ky i sotmi duhet të vlerësohen si ditë të mira ku qartësohen gjërat dhe drejtësia kryen detyrën e saj”, ka thënë Mustafa.

Mustafa i pyetur për mundësinë e dorëheqjes si pasojë e aksionit të sotëm tha se nuk ka asnjë arsye që t’i ikën përgjegjësisë.

“Nuk kam asnjë arsye që t’i iki përgjegjësisë pasi do ta vazhdojë bashkëpunimin tim me organet e rendit dhe ligjit deri në fund”, u shpreh ai.

Në aksionin e zhvilluar të mërkurën, Policia në një aksion ka arrestuar 12 persona si dhe ka konfiskuar rreth 400 mijë euro, vetura e gjera të tjera.

Lexo më shumë:

Të ngjashme