Për rreth 4 vite kur edhe ka hyrë në fuqi Ligji për Legalizimin e pronave në komunën e Prishtinës numër i vogël i tyre janë legalizuar.
Nga shtatori i vitit 2018 e deri më tani numri i pronave të legalizuara ka arritur vetëm në 1379.
Ndërsa, numri është shumë i madh i atyre që janë identifikuar e që nuk janë legalizuar.
Këto të dhëna i kanë bërë të ditura për Front Online Arlinda Kastrati, zyrtare për marrëdhënie me publikun në Komunën e Prishtinës.
“Që nga fillimi i procesit te legalizimit në Komunën e Prishtinës janë legalizuar 1379 objekte, kurse janë identifikuar rreth 46.000 ndërtime pa leje”, kanë deklaruar Kastrati dhe MMPH për FrontOnline.
Dokumentet të cilat duhet t’i kemi për legalizimin e shtëpive apo objekteve afariste.
Ministria kërkon shtyrjen e afatit për legalizim
Nga Ministria e Mjedisit kanë deklaruar për Front Online së duhet të shtyhet afati për legalizim, në mënyrë qe qytetarëve t’iu mundësohet kohë shtesë për të dorëzuar aplikacionet.
“Andaj i ftojmë te gjithë qytetarët që kanë ndërtime pa leje ta shfrytëzojnë ketë mundësi dhe të aplikojnë në Komunën e tyre për legalizim. Duke parë interesimin e qytetareve për aplikim nëpër komunat e tyre, Ministria ka iniciuar plotësim-ndryshimin e ligjit Nr.06/L-024 me qellim qe te shtyj afatin për aplikim”.
Sa kushton legalizimi i shtëpive dhe objekteve afariste?
Arsye pse duhet ta legalizosh ndërtimin pa leje
Ndërsa kostoja e pagesës për qytetarët të cilët aplikojnë për legalizimin e objekteve për një metër katror është 1 euro për objekte të kategorisë së parë, për shtëpi familjare, ndërsa 2 euro për objekte të tjera me karakter afarist.
Afati i fundit për aplikim është deri më 4 shtator 2022.
“Kostoja për kategorinë i është 1€ për m2 ndërsa për kategorinë II është 2€ ”.
“Afati i fundit për aplikimit të legalizimit është 04.09.2022 ”.