Nënkoloneli i FSK-së Ejup Maqedonci, diplomon në Kolegjin e Luftës në ShBA

Prishtinë | 08 Qer 2019 | 11:36 | Nga Ekonomia Online

Në kuadër të vizitës zyrtare në SHBA, Komandanti i FSK-së mori pjesë në ceremoninë e diplomimit në Kolegjin e Luftës, gjenerata 2019. Në këtë vit akademik nga Kosova ka diplomuar nënkolonel Ejup Maqedonci.                  

Komandanti i FSK-së fillimisht është takuar me Komandantin e Kolegjit gjeneral major John S. Kem, ku kanë diskutuar për rëndësinë e këtij institucioni në zhvillimin dhe edukimin e liderëve.

Komandant Rama  në fjalën e tij është shprehur se: “Ishte kënaqësi të dëgjoj nga Komandanti i këtij kolegji lidhur me profesionalizmin dhe dedikimin e treguar nga studentët e FSK-së. Nënkolonel Maqedonci diplomoi  dhe magjistroi  me rezultate superiore, të vlerësuara nga Kolegji i Luftës. Unë si Koamnadnt i FSK-së jam krenar me vajzat dhe djemtë e FSK-së që po zhvillohen dhe edukohen në institucionet më prestigjioze të Ushtrisë Amerikane.  FSK-ja është e orientuar në ndërtimin e aftësive bazuar në doktrinën Amerikane, me qellim të ndërveprueshmërisë në të ardhmen”.                                                                               

 Komandanti i FSK-së përmbylli vizitën e tij me takim dhe brifing në Zyrën e Bashkëpunimit Ndërkombëtar në Kolegjin e Luftës.

Të ngjashme