Njërit nga 6 të lënduarit rëndë në shpërthimin në Ferizaj i përmirësohet gjendja

Prishtinë | 10 Jan 2021 | 12:28 | Nga Ekonomia Online

Mbi 40 persona janë lënduar si pasojë e shpërthimit të një bobole të gazit në një restorant në Ferizaj.

Si pasojë e këtij shpërthimi, 6 persona janë lënduar rëndë, me ç’rast edhe janë dërguar jashtë vendit për trajtim shëndetësorë.

4 persona janë dërguar në Turqi ndërsa 2 persona në Austri.

Një nga personat i cili është dërguar për trajtim në Turqi, E.B, thuhet se është në gjendje më të mirë shëndetësore.

Afërdita Hoxha përmes një postimi në Facebook ka dhënë lajme të mira ku ka njoftuar se Edoni është zgjuar dhe është larguar nga intubimi.

Në postimin e saj, Hoxha ka treguar që Edoni ka biseduar me gruan e tij dhe e ka kuptuar që është në Stamboll.

Të ngjashme