O’Connell: Qeveria të bëjë gjithçka për dhënien e informacioneve për të zhdukurit

Prishtinë | 30 Gus 2017 | 13:05 | Nga

Ambasadori i Britanisë së Madhe në Kosovë, Ruari O’Connell, në ditën ndërkombëtare të të zhdukurve në Kosovë ka kërkuar që të zbardhet fati i personave të cilët figurojnë të zhdukur.

Ai ka përshëndetur guximin, dinjitetin dhe vendosmërinë e familjeve për të gjetur të vërtetën dhe drejtësinë.

Tutje, O’Connell ka thënë se qeveritë duhet të bëjnë gjithçka që mundën për të zgjidhur fatin e të pagjeturve.

“Në Ditën Ndërkombëtare të të Zhdukurve, unë përshëndes guximin, dinjitetin dhe vendosmërinë e familjeve për të gjetur të vërtetën dhe drejtësinë. E ndjej dhimbjen dhe humbjen e tyre, dhe shpresoj që qeveritë do të bëjnë gjithçka që munden, duke përfshirë dhënien e informacioneve për të zgjidhur fatin e të pagjeturve, dhe për të mbështetur familjet që ata lanë prapa”, ka shkruar O’Connell.

Të ngjashme