Pacolli: Me zemër të thyer dhe të trishtuar, ju uroj Ditën e Flamurit

Prishtinë | 28 Nën 2019 | 10:51 | Nga Ekonomia Online

Ministri në detyrë i Punëve të Jashtme, Behgjet Pacolli, ka uruar 28 Nëntorin – Ditën e Flamurit m,e zemër tê thyer dhe të trishtuar nga situata e krijuar pas tërmetit në Shqipëri që la pas 40 të vdekur.

“Sot, edhe pse me zemër tê thyer dhe të trishtuar nga situata e krijuar, Ju uroj Ditën e Flamurit të gjithë shqiptarëve në mbarë botën. Po ashtu, urimi u shkon edhe gjithë atyre që e mbajtën në duart e tyre, u sakrifikuan për të, para e gjatë luftës çlirimtare të Kosovës dhe që na e mundësuan që edhe ne, sot, ta festojmë të lirë. Uroj që të jemi më të bashkuar dhe po ashtu mos t’i harrojmë vuajtjet dhe sfidat që ne si komb kemi kaluar për të gëzuar këtë ditë”.

Ai përmes një postimi në Facebook ka sjell në kujtesë edhe daljen e parë publike të Ushtrisë Çlirimtare të Kosovës dhe ditëlindjen e Komandantit të saj legjendar Adem Jashari.

“Vajzat dhe djemtë e UÇK-së sakrifikuan aq shumë që ne sot të gëzojmë frytet e lirisë. Lufta jonë e drejtë është e fortë si një guri”.

“Por siç e thashë edhe më lartë, mendimet tona sot janë me familjet e viktimave të tërmetit shkatërrues në Shqipëri. Le të jetë kjo ditë një kujtesë për rëndësinë e kombit tonë për të qëndruar të bashkuar dhe në solidaritet me njëri-tjetrin. Mesazhin e shenjtë të 28 Nëntorit e pashë dje në Shqipëri ku të gjithë u bashkuam duke ndihmuar vëllezërit dhe motrat tona. Qoftë i përjetshëm ky bashkim dhe solidaritet shqiptar.Ju uroj gjithë shqiptarëve Gëzuar Festën e Flamurit! Mbarësi, më suksese e qofshim gjithmonë bashkë!”, shkruan ai.

Fjalë Kryesore:

Të ngjashme