Përplasen Lekaj dhe Rrahmani: Ju njohin të gjithë, turp

Prishtinë | 21 Pri 2021 | 12:34 | Nga Aulona Sylaj Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Debat i nxehtë është zhvilluar në Komisionin për Buxhet, Punë dhe Transfere ndërmjet deputetit të AAK-së, Pal Lekaj dhe atij të Lëvizjes Vetëvendosje, Eman Rrahmani.

Lekaj theksoi se përfaqësuesit e politikës s’duhet të kenë ndikime në përzgjedhjen e punëtorëve në RTK, raporton Ekonomia Online.

“Duhet me qenë të sinqertë. Por nuk kemi bërë asnjëherë presion që si me mësu dhe me bo presion menaxhmentit të RTK-së. Nëse është djali i Gani Thaçit, që nuk e njoh, nëse është ekspert i mirë, a me lon rrugëve”, ka thënë ai.

Ndërsa, deputeti Eman Rrahmani e ka akuzuar Lekajn se i njëjti kishte ndikim direkt për punësime në RTK.

“Deklarimet e deputetit Lekaj nuk janë asgjë më shumë se një banalizim jo i duhur këtu për shkak se nëse dikush ka ndikuar në këtë media (RTK) apo tjetra, jeni pikërisht ju. Qe 20 vite. Këtë e din gjithë qytetarët”.

“Në gjithë politikën, mediat… në secilin pozicion që keni qenë. E dinë edhe kush jeni ju, si ministër, deputetë. Deklarimet të tillë a nuk mund t’ia shitni qytetarëve të Republikës, janë kotë”.

Pas kësaj deklarate, i ashpër ka qenë deputeti Lekaj.

“Më vjen keq nga kolegu që më drejton me aso fjalë. Asnjë presje për punën time, si në luftë, paqe, sa pacientët i kam shëruar pa pare. Besojë krejt jetën ju s’keni me mujt me bo një humanitet të tillë”.

“Janë organet hetimore dhe nuk jeni ju që mundeni me’m vlerësu. Duhet me të ardhë turp që më drejtohesh kështu”, është shprehur ai.

Lexo më shumë:

Të ngjashme