Policia e Kosovës ka dhënë detaje për një tentim vrasje që ka ndodhur mbrëmë rreth orës 22:50 në rrugën “Bill Clinton” në Prishtinë.

Policia njofton se viktima mashkull kosovar ishte gjetur i lënduar pasi ishte goditë dhe therë me thikë nga një person i mitur i panjohur i cili gjendet në arrati.

“Njësitë relevante policore kanë dalë në vendin e ngjarjes, viktima me ndihmë të shpejtë është dërguar në QKUK dhe shtrirë në spital për tretman të mëtejme mjekësor, me gjendje stabile sipas mjekëve”, thuhet në njoftim.

Lidhur me rastin është njoftuar prokurori i cili e ka cilësuar rastin dhe vazhdon të hetohet.