Policia në Gjakovë për katër muaj ka shqiptuar 18130 gjoba të trafikut dhe konfiskuar rreth njëmijë patentë shoferë

Prishtinë | 28 Sht 2021 | 12:28 | Nga Ekonomia Online

Njësia rajonale e komunikacionit rrugor, së bashku me stacionet policore të Drejtorisë rajonale në Gjakovë, për katër muaj kanë shqiptuar 18130 gjoba të trafikut.

Sipas policisë, prioritet në Planin Operativ “Siguria në trafikun rrugor” kanë qenë dhe janë kundërvajtjet si: Alkooli, “Përdorimi i telefonit”, Tejkalimet e parregullta, Shpejtësia e tejkaluar, Mos vendosja e rripit të sigurisë dhe kundërvajtjet tjera.

– Deri në këtë fazë janë konfiskuar rreth 1000 patentë shoferë si masë mbrojtëse,

– Për Tejkalim të shpejtësisë janë shqiptuar 4100 gjoba,

– Tejkalimet në vendet e ndaluara dhe kolonat e mjeteve janë shqiptuar gjithsej 542 gjoba,

– Për Përdorim të telefonit mobil janë shqiptuar, gjithsej 1470 gjoba,

– Për mos vendosje të rripit të sigurisë janë shqiptuar 3929 gjoba,

– Për Drejtim të mjetit pa patentë shofer dhe kategori përkatëse janë shqiptuar 687 gjoba,

-Për Drejtim të mjetit nën ndikim të alkoolit gjithsej 246 gjoba,

– Drejtim i mjetit pa regjistrim janë shqiptuar gjithsej 747 gjoba

– Dhe kundërvajtje të ndryshme sipas ligjit në fuqi.

“Aksidentet nëpër rrugët tona mbeten ende shqetësuese, andaj respektoni rregullat që dalin nga ligji i trafikut për parandalimin e humbjes së jetëve njerëzore si pasojë e pakujdesisë”, thuhet në njoftim.

Të ngjashme