Policia Kufitare e Kosovës ka njoftuar të hënën se kanë parandaluar kontrabandimin e mallrave në Zupç.

Aksioni është kryer të dielën rreth orës 20:15, ka njoftuar policia e Kosovës.

“Policia kufitare e Kosovës gjatë një pike kontrolli në Zupç kanë hasur në një automjet kombi VË transporter, ngjyrë e bardhë, me targa vendore, ku pas kontrollit ne automjet janë gjet rreth 16 thasë të mëdhenjë me tapeta muri të ndryshme”, thuhet në njoftim.

“Për këtë mall të transportuar i dyshuari nuk posedonte asnjë dokument. Janë njoftuar njësitet relevante policore dhe malli është konfiskuar nga Dogana e Kosovës për procedura të mëtejme”, mbaron deklarata.