Coronavirusi – ndryshon mënyra e shpërndarjes së insulinës, bie numri i pacientëve me sëmundje të tjera

Prishtinë | 05 Pri 2020 | 09:15 | Nga Halide Rexhepi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Situata me pandeminë Coronavirus ka bërë që shumë veprimtari të ndërpriten e poashtu edhe sistemi shëndetësorë të riorganizohet.

Drejtori i Shëndetësisë në Komunën e Prishtinës  Bujar Gashi, ka treguar se tashmë kanë marrë masa që pacientët e rregullt si diabetikët, mund t’i marrin recetat në Barnatoret Qendrore dhe me atë recetë të shkojnë direkt në QKMF për të marrë terapinë.

“Çështja e insulinës dhe pacientëve insolinovarës të cilët janë në komunën e Prishtinës deri para dy jave ka qenë një formë tjetër e shpërndarjes së insulinës, pacientët të cilët marrin insulinë në baza mujore  është dashur të shkojnë në qendrat e Mjekësisë Familjare, të përshkruajnë raportin të marrin recetën dhe më atë recetë të shkojnë në Barnatoren Qendrore që është te Qendra Kryesore e Mjekësisë Familjare dhe të marrin insulinën e nevojshme për tërë muajin”.

“Tani për të lehtësuar dhe për tu hekur një barrë atyre pacientëve që janë me diabet dhe insulinovarës e kemi vendosur një mjek në Barnatoren Qendrore ku pacientët prej çdo lagje mund të shkojnë direkt, ku aty për aty i përshkruhet menjëherë receta dhe e marri insulinën”.

Gashi është shprehur se kjo është bërë me qëllim që t’i ruajnë pacientët nga rreziku i përhapjes së Coronavirusit.

“Në mënyrë që t’i kursejmë edhe qendrat e tjera, por edhe ata pacient që të mos të frekuentojnë edhe qendrat e tjera për ndonjë infektim eventual me Covid-19”.

Pashtu sipas Gashit kjo situatë ka ndikuar që të ketë rënie të numrit të pacientëve që kërkojnë ndihmë në Qendrat e Mjekësisë Familjare.

Ai ka sqaruar se edhe shërbimi emergjent është duke vazhduar punën normalisht në mënyrë që tu dalin në ndihmë pacientëve, raporton EO.

“Në dy javët e fundit veç kemi rënie sa i përket numrit të pacientëve nëpër qendrat e mjekësisë familjare, kjo rënie e numrit të pacientëve të rregullt na ka mundësuar të kemi një numër të stafit pak më shumë që ti angazhojmë në  këto katër pikat kryesore ku veç jemi duke i mbajtur 24 orë”.

“Është i njëjtë shërbimi emergjent edhe kujdestaritë të cilat kanë qenë ndërrimet e natës nëpër qendrat e mjekësisë familjare, gjithashtu edhe qendra e mjekësisë urgjente funksionon me katër ekipe mjekësore në teren”.

Lexo më shumë:

Të ngjashme