Mbi 30 plazma gjaku të dhuruara deri më tani nga pacientët të cilët kanë kaluar Covid-19

Prishtinë | 21 Shk 2021 | 08:24 | Nga Erdonita Hebibi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Në Qendrën Kombëtare të Transfuzionit të Gjakut, deri më tani janë mbledhur 30-40 plazma gjaku të cilat i kanë përmbushur kushtet për përdorim terapeutik për pacientët të infektuar me Covid-19. Këtë e ka konfirmuar në një intervistë për Ekonomia Online, Drejtoresha e kësaj qendre, Bukurije Zhubi.

Ajo ka përmendur se duhet plotësuar disa kritere qw plazmat e gjakut mund të përdoren.

“Kemi grumbulluar një sasi të caktuar të plazmave kovalescente, por jo të gjitha mund të përdoren si plazma kovalesente, duhet të plotësohen shumë kritere për të pasur mundësi që ato të klasifikohen për përdorim terapeutik për pacientët. Kështu që nga krejt sasia e gjithëmbarshme e stokit të cilin e kemi pas deri më tani janë vetëm 30-40 plazma të cilat i kanë përmbushur kushtet për përdorim terapeutik, kështu që është një punë kogja e madhe kërkon angazhim edhe për stafin dhe nga ana e dhuruesve që vinë të dhurojnë gjak dhe të cilët kanë kaluar Covid-19 në mënyrë që të arrijnë të trajtojmë mjaftueshëm gjithë ata që kanë nevojë për këtë lloj produkti të gjakut”, tha Zhubi

Tutje drejtoresha Zhubi theksoi dy kriteret kryesore që dhuruesi i gjakut duhet ti plotësojë  në mënyrë që të ketë mundësinë për të dhuruar plazmën kovalesente.

“Po dhuruesi i gjakut duhet ti plotësojë dy kritere, kriteret e përgjithshme të dhurimit dhe kriteret specifike. Në kriteret e përgjithshme janë kriteret të cilat i plotëson çdo dhurues i zakonshëm. Ndërsa në kriteret specifike përfshihen disa kushte ku fillimisht dhuruesi i gjakut duhet të ketë të dokumentuar që ka kaluar sëmundjen e Covidit, të ketë një test pozitiv, ose një test serologjik që dëshmon që dhuruesi i gjakut ka antitrupa në plazmën e tyre, poashtu duhet të dokumentojë edhe kalimin e sëmundjes, pra do të thotë duhet të ketë minimum 14 ditë para dhurimit të gjakut të mos ketë ndonjë simptomë të sëmundjes, dhe minimum 14 ditë para dhurimit të mos përdor ndonjë ilaç mjekim për trajtim qoftë Covidit ose jashtë saj dhe të gjitha këto duhet ti plotësojë dhuruesi në mënyrë që të dhurojë plazmën kovalesente”, deklaroi ajo

Ajo përmend faktin që ka shumë rëndësi dhurimi i plazmës sepse me dhurimin e saj shpëtohet jetë, dhe jeta e tyre është në duart e atyre që kanë kaluar Covidin.

“Nuk duhet harruar cekur për qytetarët që edhe plazma shpëton jetë, kështu që disa të sëmurë me Covid-19 jeta e tyre është në duart e gjithë atyre personave që kanë kaluar Covidin dhe të cilët i plotësojnë kushtet për dhurim të gjakut. Dhuroni plazmë, shpëtoni jetë ky është mesazhi im”, përfundoi Zhubi.

Lexo më shumë:

Të ngjashme