Pavarësisht që Evropa ende nuk i pa “hapur dyert” për qytetarët e kosovarë, institucionet vendore vazhdojnë të respektojnë Ditën e Evropës.
Përveç ditës së pushimit dhe organizimit të shumë ngjarjeve për shënimin e kësaj dite, në sheshet e kryeqytetit janë vendosur flamuj të Evropës dhe shteteve të ndryshme, raporton Ekonomia Online.
Si pjesë e festimeve të Ditës së Evropës, BE-ja në Kosovë do të japë për herë të dytë çmimin e vet “Evropian i vitit”, për të vlerësuar një individ/institucion për promovimin e idesë evropiane në Kosovë.