Shqiptari në Itali tenton ta vrasë gruan me plumb në gjoks

Prishtinë | 22 Qer 2021 | 12:39 | Nga Ekonomia Online

Një 37-vjeçar shqiptar është arrestuar nga policia italiane, pasi akuzohet se ka keqtrajtuar dhe ka tentuar të vrasë gruan e tij.

Ndërhyrja në kohë e kunatës nuk ka lejuar që ngjarja e rëndë të përfundojë me fatalitet. Ajo ia ka kapur armën dhe e ka drejtuar drejt tokës, duke bërë që plumbi të godasë në dysheme.

Mediat italiane shkruajnë se shqiptari i arrestuar është Ervis Rakipaj, më herët ka qenë në burg për akuzat e vrasjes në tentativë dhe keqtrajtimi në familje.

Të shtunën në mbrëmje burri, pasi mbaroi punën e njoftoi gruan përmes WhatsApp se ai do të pinte një birrë me miqtë. Kur u kthye në banesë rreth orës 02:00, ai e zgjoi atë, i mori celularin nga jastëku dhe i kërkoi ta ndiqte në kuzhinë. Më pas gruaja menjëherë vuri re pushkën dhe ishte frikësuar, sepse në raste të tjera burri i saj e kishte kërcënuar me vdekje. Motra e gruas ishte gjithashtu e pranishme në shtëpi. Ajo kishte shkuar aty për disa ditë pasi ishte në lëvizje.

Motra e saj, e cila po përpiqej të parandalonte ngjarjen e rëndë, u godit me një shuplakë të fortë nga shqiptari, duke i çarë daullen e veshit. Shqiptari më pas vrapoi për të marrë dhe lëvizur armën në një mobilie, ndërsa shprehej, “më thuaj të vërtetën, ose askush nuk del nga këtu i gjallë”.

Fjalë Kryesore:

Të ngjashme