Shtyhet afati për lajmërimin e pensionistëve deri në fund të dhjetorit

Prishtinë | 12 Tet 2020 | 12:48 | Nga Ekonomia Online

Pensionistët e Kosovës nuk do të jenë të obliguar të lajmërohen në zyrat administrative deri në fund të dhjetorit të këtij viti.

Këtë e ka bërë të dituar Ministra e Punës dhe Mirëqenies Sociale, me anë të një njoftimi për medie.

Ministria e Punës dhe Mirëqenies Sociale, përmes këtij njoftimi, njofton të gjithë pensionistët e Republikës së Kosovës (duke përfshirë edhe përfituesit e skemave të kategorive të luftës), të cilët kanë qenë të obliguar të lajmërohen në zyrat e administratës së pensioneve nga muaji mars 2020 e nuk janë lajmëruar për shkak të pandemisë Covid 19, me qellim të shmangies së grumbullimeve para sporteleve,  shtyhet afati i lajmërimit deri më 31 dhjetor 2020, do të thotë se deri në fund të dhjetorit 2020 nuk do të suspendohen nga pagesa.

Me qëllim të mbrojtjes nga Covid 19, të gjithë pensionistët që paraqiten në këto zyre, janë të obliguar që t’i përmbahen rekomandimeve që dalin nga Instituti Kombëtar i Shëndetit Publik dhe nga Ministria e Shëndetësisë, që janë, pos tjerash bartja e maskave dhe ruajtja e distancës.

Fjalë Kryesore:

Të ngjashme