Avokati i Limajt: E vërteta u zbulua, u dëshmuan lajmet e pavërteta

Prishtinë | 24 Nën 2017 | 16:16 | Nga Kaltrina Zymberi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Avokati i Fatmir Limajt, Kharim Khan, tha se pas një varg akuzash ndaj klientit tim, sot e drejtat triumfoi, e Limaj, nuk u gjet fajtor në të gjitha pikat e aktakuzës.

Sipas tij, e vërteta u zbulua dhe lajmet e pavërteta u dëshmuan, raporton Ekonomia Online.

Ai tha po ashtu se klienti i tij nga fillimi ishte i pafajshëm dhe se gjykatës iu deshën këto vjet për të dëshmuar të kundërtën e akuzave.

“Sot e vërteta u tha. Çdo i akuzuar u gjet i pafajshëm në secilën pikë të akuzës. Arsyeja se pse unë besoj në ligj është se në shumicën e rasteve, pavarësisht politikës apo ndonjë motivi tjetër, është shumë e vështirë të fshehësh një gënjeshtër në sallë të gjykatës”.

“Ka pasur dhembje dhe stres, jo vetëm për Limajn e djalin e tij, por edhe për vajzat, familjen e shokët. Por pas gjithë kësaj, është një lehtësim që emrat u janë pastruar”.

Ndërsa prokurori i rastit Charles Hardaway nuk ka specifikuar nëse do ta apelojë vendimin e gjykatës.

Ish-ministri i Transportit dhe Telekomunikacionit Fatmir Limaj, është shpallur i pafajshëm në të gjitha pikat e aktakuzës për rastin e njohur si MTPT.

Të pafajshëm janë shpallur edhe Nexhat Krasniqi, Endrit Shala, Shpëtim Telaku dhe Florim Zuka.

Lexo më shumë:

Të ngjashme