Sindikalistët kërkojnë që institucionet shëndetësore të Kosovës ta ndihmojnë Shqipërisë

Prishtinë | 26 Nën 2019 | 13:13 | Nga Ekonomia Online

Federata e Sindikatave të Shëndetësisë së Kosovës me anë të një komunikate shpreh keqardhjen për humbjen e jetëve dhe lëndimeve të pësuara të popullatës shqiptare.

“Federata e Sindikatave të Shëndetësisë së Kosovës bën apel tek të gjitha Institucionet Shëndetësore relevante e veçanërisht Ministria e Shëndetësisë që të vë kontakt sa më të shpejtë me Institucionet Shëndetësore të Shqipërisë me qëllim të ofrimit të ndihmës së mundshme shëndetësore”, thuhet në komunikatë.

FSSHK-së thotë se në çdo kohë dhe çdo moment është e gatshme të ofrojë potencialin e vet njerëzor me qëllim të ofrimit të ndihmës për popullatën tonë.

“Ne po tentojmë që vazhdimisht të jemi në kontakt me sindikatat simotra nga Shqipëria me qëllim të grumbullimit të informatave të sakta”, thuhet në komunikatë.

Fjalë Kryesore:

Të ngjashme