Ish-Komandanti i Batalionit të Tretë të Brigadës 124 “Gani Paçarizi”, gjatë luftës – tani kryetar i Komunës së Rahovecit, Smajl Latifi, sot është nisur për në Hagë për t’u intervistuar nga Dhomat e Specializuara.
Ai është dashur që të paraqitet në Hagë më 30 tetor, por intervistimi i tij është shtyrë disa herë.
Latifi kohë më parë ka thënë se ftesa që i ka ardhur ka të bëjë me dëshmitë rreth organizimit dhe strukturimit të Ushtrisë Çlirimtare të Kosovës.
Ditëve të fundit Gjykata Speciale ka intensifikuar ftesat ndaj luftëtarëve të UÇK-së, por dhe ndaj përfaqësuesve të tjerë.