Sot kthehet nga Austria kuzhinieri i restorantit “Steak House” ku shpërtheu bombola e gazit

Prishtinë | 08 Mar 2021 | 11:06 | Nga Ekonomia Online

Sot kthehet nga Austria kuzhinieri i restorantit “Steak House” ku shpërtheu bombola e gazit

Minsitria e Shëndetësisë ka bërë të ditur se sot do të kthehet nga Austria, Enver Xhokli, i cili ishte dërguar për trajtim mjekësor pas shpërthimit të bombolës së gazit në restorantin “Steak House” në Ferizaj.

Në pritjen e tij do ta jenë të pranishëm ministri në detyrë i Shëndetësisë, Armend Zemaj dhe Ambasadori i Austrisë në Kosovë, Christoph Weidinger.

“Sot në ora 14:15, në Aeroportin Ndërkombëtar “Adem Jashari” në Prishtinë kthehet nga Austria, z. Enver Xhokli, i cili ishte dërguar për trajtim mjekësor në Grac të Austrisë, pas aksidentit në Ferizaj. Në pritjen e tij do ta jenë të pranishëm edhe Ministri i Shëndetësisë, Armend Zemaj dhe Ambasadori i Austrisë në Kosovë, Christoph Weidinger”, thuhet nga MSh.

Fjalë Kryesore:

Të ngjashme