Tahiri: Beogradi pengesë për integrim të serbëve të Kosovës

Prishtinë | 28 Dhj 2016 | 16:20 | Nga

Drejtori Ekzekutiv i Instituti Kosovar për Qeverisje Lokale, Besnik Tahiri, ka theksuar se Beogradi me politikat e saj destruktive po pengon integrimin e serbëve të Kosovës.

Përmes një postimi në rrjetin social Facebook, ai ka ngritur shqetësimin e tij duke thënë se tendenca e Beogradit zyrtar për kontroll dhe manipulim me komunitetin serb, në themel po dëmton funksionimin efikas të komunave.

Postimi i plotë i Tahirit:

“Tendenca e Beogradit zyrtar për kontroll dhe manipulim me komunitetin serb, në themel po dëmton funksionimin efikas të komunave, kjo marrë parasysh se pothuajse fokusi më i madh i Ministrisë së Administrimit të Pushtetit Lokal është në akomodimin e këtij komuniteti përmes nivelit lokal.

Një lojë si kjo për kontroll të këtij dikasteri në shërbim të politikave të Beogradit, jo vetëm se po dëmton komunitetin serb, por po i pamundëson Kosovës rrugëtimin evropian duke i ngadalësuar forcimin frymës Kushtetuese dhe demokratike të nivelit lokal.

Pavarësisht vullnetit dhe barrës që i është vendosur nivelit komunal për integrim dhe akomodim, është e padrejtë që të pengohet progresi i nivelit lokal për shkak të politikave destruktive të Beogradit!”

Fjalë Kryesore:

Të ngjashme