Të prekurit me Coronavirus në Vrapçiq të Gjilanit në gjendje stabile

Prishtinë | 26 Mar 2020 | 14:51 | Nga Ekonomia Online

Komuna e Gjilanit, më të gjitha kapacitetet e saj të shëndetësisë primare e profesionale, në vazhdimësi po i del në ndihmë të prekurve me virusin Covid-19.

Gjilani është një ndër qytetet më të prekura nga koronavirusi në Kosovë, prandaj edhe autoritete lokale janë përkushtuar.

Nënkryetari i Gjilanit, Arbër Ismajli, i cili në emër të kryetarit Lutfi Haziri po e menaxhon këtë situatë, ka deklaruar se, fatmirësisht, gjendja e të prekurve me Covid-19, në Vrapçiq, është stabile, njofton Klan Kosova.

“Gjatë ditës u është ofruar mbështetje nga ekipet e shëndetësisë primare, duke i kontrolluar dhe furnizuar me medikamente. Po ashtu, i kemi furnizuar edhe me pako ushqimore dhe higjienike. Nuk ka vend për panik, jemi 24 orë në shërbim të të gjithë qytetarëve”, ka deklaruar Ismajli.

Ai ka njoftuar se gjendja po shkon drejt përmirësimit dhe fatmirësisht nuk ka raste të reja të dyshuara me Covid-19.

Të ngjashme