Thaçi: Komuniteti ashkali, pjesë e institucioneve të Kosovës

Prishtinë | 15 Shk 2017 | 10:58 | Nga

Presidenti i Kosovës, Hashim Thaçi, sot ka pritur një delegacion të ashkalinjve të Kosovës për 14-vjetorin e ditës së tyre të flamurit, i kryesuar nga deputeti i Kuvendit të Kosovës, Danush Ademi.

Presidenti Thaçi e uroi delegacionin për ditën e flamurit të tyre duke shprehur konsideratë për komunitetin ashkali, i cili ka qenë gjithmonë pjesë e shoqërisë kosovare dhe është solidarizuar me fatin e qytetarëve të Kosovës.

“I uroj të gjithë pjesëtarët e komunitetit ashkali për ditë e tyre të flamurit, i cili është simbol i komunitetit tuaj”, u shpreh presidenti Thaçi.

Duke folur për historikun e komunitetit ashkali, deputeti Ademi e njoftoi presidentin Thaçi për pozitën aktuale të këtij komuniteti dhe për domethënien e flamurit, i cili sot shënon 14-vjetorin e shpalljes si simbol i komunitetit ashkali.

Presidenti Thaçi theksoi se është shumë i rëndësishëm fakti që pjesëtarë të komunitetit ashkali tash janë të pranishëm në të gjitha institucionet e Republikës së Kosovës, në Parlament, në Qeveri dhe në institucione të tjera.

thaci - ashaklinjt

 

Fjalë Kryesore:

Të ngjashme