Thaçi përkujton sulmin e dytë mbi familjen Jashari

Prishtinë | 22 Jan 2019 | 13:46 | Nga Ekonomia Online

Presidenti Hashim Thaçi ka përkujtuar 21 vjetorin e sulmit të dytë mbi familjen Jashari në Prekaz.

“Para 21 vjetësh, më 22 janar 1998, ka ndodhur sulmi i dytë i armatosur i forcave serbe kundër familjes Jashari në Prekaz. Sulmet e vazhdueshme mbi këtë familje, e cila dallohej për atdhetarizëm dhe veprime të guximshme kombëtare, ishin paralajmërim se Serbia po përgatitej të shtypte me dhunë çdo familje liridashëse në Kosovë”, ka thënë Thaçi përmes Facebook.

Thaçi ka thënë se familja Jashari është shembull i rrallë i atdhedashurisë.

“Familja Jashari, me idealizëm dhe ndërgjegje të lartë njerëzore, politike e kombëtare, asnjëherë nuk ndaloi së sakrifikuari për liri dhe pavarësi. Historitë e popujve kanë rrëfime të ndryshme për shumë heronj, por komandanti Adem Jashari dhe familja e tij janë shembulli më unik i atdhetarizmit dhe vetëmohimit për lirinë e një populli”, ka shtuar ai.

Fjalë Kryesore:

Të ngjashme