Tre persona janë lënduar në një aksident që ka ndodhur në Komoran të Drenasit.

Në aksident kanë qenë të përfshirë dy automjete.

Të lënduarit janë dërguar për trajtim mjekësor.

Lajmin e ka konfirmuar Flora Ahmeti, zëdhënëse e Policisë së Kosovës për rajonin e Prishtinës.

“Rreth orës 15:20 është raportuar një aksident trafiku me lëndime trupore në Komoran, ku ishin të përfshirë dy automjete. Tre persona janë lënduar dhe janë dërguar për trajtim mjekësor, përderisa njësiti i trafikut ka kryer procedurat e vendshiqimit të këtij aksidenti”, tha Ahmeti.