Ujësjellësi “Prishtina” bën thirrje për shpenzim racional të ujit të pijshëm

Prishtinë | 20 Mar 2020 | 11:19 | Nga Ekonomia Online

Kompania Rajonale e Ujësjellësit “Prishtina” ka bërë thirrje për qytetarët që të kenë shpenzim racional të ujit të pijshëm.

Në njoftimin e tyre deklarohet se furnizimi me ujë është stabil dhe do të vazhdojë të jetë kështu.

“”Jini të vëmendshëm se , pa shëndet ne nuk jemi askund”. Pastro duart vazhdimisht, por jo vetëm sot,  nesër , pasnesër dhe çdo moment të nevojshëm të jetës tënde”.

“Investoni në shëndetin tuaj duke mbajt higjienën tuaj personale. Por, duke e mbajt higjienën tuaj personale, ju jeni duke investuar direkt në shëndetin tuaj dhe rrethit e familjes tënde. KRU” Prishtina” sh.a. iu bën thirrje që në këtë kohë, derisa po qëndroni në shtëpitë tuaja, të shpenzoni racionalisht ujin duke e shpenzuar për nevoja higjienike dhe shtëpiake por asnjë litër ujë të mos ju shkojë kot, duke e lënë të rrjedhë nga rubineti juaj!

“Furnizimi është stabil dhe bashkërisht të kontribuojmë në ruajtjen e ujit të pijshëm ngase kemi rritje të konsumit. Pastro duart me ujë por ujin përdoreni në mënyrë të drejtë”, thuhet në këtë njoftim.

Fjalë Kryesore:

Të ngjashme