Bordi i Drejtorëve i Agjencisë Kosovare të Privatizimit ka emëruar Valon Tolajn drejtor menaxhues me mandat 4-vjeçar.

“Bordi i Drejtorëve i Agjencisë Kosovare të Privatizimit mbajti mbledhjen e rregullt. Në këtë mbledhje Bordi i Drejtoreve ka emëruar z. Valon Tolaj në pozitën Drejtor Menaxhues me mandat prej katër (4) vitesh. Mandati i z. Tolaj fillon me 26 nëntor 2018. Bordi në këtë takim shqyrtoi dhe miratoi transaksionet nga Shitja e aseteve në likuidim SHAL 42 si dhe miratoi propozimet për aprovim të listës së Shitja e aseteve në likuidim SHAL 43A.

Në këtë mbledhje Bordi i Drejtorëve vendos që bazuar në nenin 7, paragrafi 7.1, të marrëveshjes së shit blerjes për diferencën e mos përmbushjes së zotimeve në vlerë prej 9,441,768.83 Euro, Ndërmarrja e Re Sharrcem të paguaj siç çmim shtesë për blerjen e aksioneve.

Po ashtu Bordi i Drejtorëve mori vendim që për ndërmarrjet të cilave iu janë tërhequr aksionet “Grand Hotel” Prishtinë; “MIM“ Golesh dhe “XIM” Strezovc të ndiqen hapat ligjor për inkasimin e këtyre ndëshkimeve”, shkruan në njoftimin në Facebook.