Vendimi i Qeverisë që për të hyrë në Kosovë çdo qytetar duhet të ketë certifikatë që është vaksinuar ose test për koronavirus ka shkaktuar tollovi në kufirin me Shqipërinë.

Qytetarët që po kthehen nga vizita në Shqipëri po përballen me procedura e pritje të gjata në kufi.

Sipas masave të reja, të njëjtëve iu kërkohet dëshmia e vaksinimit ose testi RT-PCR, i kryer jo më larg se në 72 orët e fundit.

Që nga e hëna, Shqipëria do zbatojë reciprocitet në masa në raport me Kosovën. Vendimi vjen pas shtimit të numrit të rasteve me koronavirus atje.