Vitia: Nga 12 shtatori, vaksinimi do të bëhet edhe të dielave

Prishtinë | 03 Sht 2021 | 17:18 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Ministri i Shëndetësisë, Arben Vitia, ka njoftuar se nga 12 shtatori, vaksinimi do të bëhet edhe ditëve të diela, raporton EO.

Vitia përmes një konference për media ka bërë të ditur se 93 për qind e pacientëve të konfirmuar me Covid-19 e që janë të hospitalizuar kanë qenë të pa vaksinuar.

Mes tjerash Vitia ka thënë se ka rreth 600 mijë qytetarë që kanë marrë së paku dozën e parë.

Ai ka thënë po ashtu se mesatarja ditore e të infektuarve është 1600 persona.

Për një javë, Vitia ka treguar se në Kosovë kanë vdekur 170 persona.

“Sot kishim takimin për Komitetin për vlerësimin e situatës me Covid-19. U njoftuam për gjendjen epidemiologjike. Folëm edhe për procesin e vaksinimit janë administruar 900 mijë vaksina në gjithë Kosovën dhe 300 mijë janë vaksinuar me dy doza. 600 mijë që kanë marrë së paku një dozë të vaksinës. Duke filluar nga data 12 shtator do të kemi vaksinim edhe të dielave”

“Numri i të infektuarve vazhdon të jetë i lartë. Deri tani janë bërë 83 mijë teste. Janë shëruar 9 mijë e 685 dhe shkalla e pozitivitetit ka qenë 13.63% 91% kanë qenë të konfirmuar me Covid-19. 93% e pacientëve kanë qenë të pa vaksinuar. Kemi pasur 170 persona që kanë humbur jetën në këtë javë. 149 kanë qenë të pa vaksinuar. Vaksinimi nuk ka alternative, valë të reja do të pasojnë pas kësaj. Vetëm vaksinimi i parandalon këto valë”

“Në situatën epidemiologjike masat janë të domosdoshme. Nga 13 shtator do të vazhdojmë me restrikcione në administratë. Të gjithë punëtorët që paraqiten në punë duhet të jenë të vaksinuar, duhet ka kenë testin PCR jo më larg se 72 orë. Policia e Kosovës na ka dërguar edhe emrat e policëve të pa vaksinuar. Këto masa janë deri me datën 13 shtator. U dakorduam që të gjitha institucionet tona do të përcjellim situatën në terren dhe do të kemi edhet takime tjera se si do të procedojmë tutje. 1000 punëtorë shtesë janë aktivizuar”, u shpreh ai.

Lexo më shumë:

Të ngjashme