Zemaj: Mos na e impononi vendosjen e Gjendjes së Jashtëzakonshme

Prishtinë | 11 Kor 2020 | 14:30 | Nga Ekonomia Online

Ministri i Shëndetësisë, Armend Zemaj ka apeluar te qytetarët që t’i respektojnë masat mbrojtëse dhe të mos imponojnë vendosjen e Gjendjes së Jashtëzakonshme.

Përmes një postimi në llogarinë e tij në Facebook, Zemaj ka thënë se s’mund t’i vihet secilit qytetar një polic mbrapa që të disiplinohet.

“Mos na impononi vendosjen e gjendjes së jashtëzakonshme. Nuk jemi qeveri represive, por shtet demokratik. Më dhemb shpirti ta shoh Kosovën e mbyllur”, ka shkruar Zemaj.

Statusi i plotë i tij:

Secili sytë te Ministria e Shëndetësisë dhe Qeveria.
Ju po harroni se s’po vendosni maskën.
S’po respektoni rregullat antivirus.
S’mund t’ju vëmë secilit nga ju nga një polic mbrapa që të disiplinoheni.

Si shoqëri, qytetarë, familjarë, individë, ti je përgjegjës të mos e çon virusin në shtëpi.

Mos na impononi vendosjen e gjendjes së jashtëzakonshme.

Më dhemb shpirti ta shoh Kosovën e mbyllur.
Virusi rëndon gjendjen e popullatës (rrezikon shëndetin, shqetëson secilin, çrregullon ekonominë dhe çmimet e ushqimeve, humbje të vendeve të punës, rrit varfërinë).
Rrit krimin (shton vjedhjen, dëmton rendin publik).
Hileqarët e shfrytëzojnë për grumbullime njerëzish në rrugë ku shtohen infeksionet.
Rrit kërkesën për ndihma sociale, vë në pikëpyetje hapjen e kufijve, hapjen e shkollave që funksionojnë edhe gjatë kësaj kohe.
Mund të rris pakënaqësinë e secilit.
Mos na impononi vendosjen e gjendjes së jashtëzakonshme.
Nuk jemi qeveri represive, por shtet demokratik.
Më dhemb shpirti ta shoh Kosovën e mbyllur.

Vendos maskën!
Mbaje higjienën!
Respekto rregullat!
Mos u Shliro edhe ti je përgjegjës!

Të ngjashme